头发渐渐消失_(´v`」 ∠)_
© 云鲤鲤鱼
Powered by LOFTER

我觉得住我楼上嘅男人有啲唔妥1

Summary:和Steve一夜情后怀了BB的Bucky住到了“我”家楼上,并让“我”冒充他的男朋友以向Steve隐瞒BB爸爸的身份

全粤语,部分字不能确定正确写法是什么,欢迎捉虫!


是咁的,我觉得住我楼上嘅男人有啲唔妥。

一开始,我对呢个男人嘅印象就停留喺生得好睇,并唔觉佢有边忽唔妥,不过我会留意到佢嘅异样,亦因为呢点。如果唔係佢好眉好貌,我先懒得去注意。

事情发生喺今日,六一儿童节,落班之后,阿Ben几个死党约我喺我屋企楼下个烧烤档烧嘢食。

开头我地倾车,倾波,但冇几耐,话题又市奔向男人——一般来讲,男人唔会倾男人,但係我地几个都係基佬,所以对于我地来讲,倾女人先係唔正常嘅。

八卦完阿Ben同B仔嘅新欢之后,佢地将矛头指向咗我:“唉,最惨都係Hugo,人地B仔都拍咗几件了,你一件都冇。”

“人地眼光高咯,唔揾翻个好似CC咁嘅男仔绝对唔会拍拖。”

我本身已经谂住由得佢地点讲就点讲,但我一听到CC个名就全身唔舒服。CC係我上一任男朋友,因为唔肯跟我来广州所以同我分手。我唔想畀人觉得我放唔低佢,下意识开口反驳阿Ben:“边个话我冇拍拖。”

“係咩,”啲人完全唔信,B仔问,“同边个拍啊?”

同边个?我突然谂起住我楼上嘅男人,一唔觉意话已出口:“佢叫James。”

“吹水啦你,仲‘詹士’,”阿Ben边笑边拥我,“连阿Dick都唔冧你,仲有边个冧你?”

阿Dick即刻伸咗佢一脚,但係转头又同埋阿Ben一齐窒我:“你米话,连我都唔信你,你一个礼拜都唔出去蒲一次,点沟得到仔?”

既然大话已经讲开了,干脆讲埋落去,“唔使去蒲,佢自己送上门。”

“有啲咁嘅好事?你叫鸭?”

“死啦你!”

“咁唔係点啊,你自己讲。”

大脑飞速运转,我慢慢开口:“佢住喺我屋企楼上,一先我都唔知佢係gay,直至有一日佢来敲我门,话佢串锁匙漏咗喺公司,想喺我度瞓一晚。然之后……半夜三更,佢光脱脱爬上咗我张床。”

“哇屌——”几个傻仔齐声感叹,不过阿Ben马上又拆我台:“咁姣,实係猪扒。”

“你乜撚意思,猪扒先想畀我屌?佢生得好睇过你一百倍!”我下意识反驳,如果楼上嘅男人都叫猪扒,咁全世界都係猪扒了。

“米咁激动,阿Ben不骝都係咁架啦,你又唔係第一日识佢。唔使惊,我信你,你有冇佢嘅相,拿出来分享下?”

嘁,说到埋米仲係唔信我。我嬲嬲哋翻出部手提电话,打开相册——我顶,扑街了,我根本冇佢啲相喺部手提电话度。

就喺呢个时候,一抹熟悉嘅影子从余光掠过,令我精神为之一振,真係咁啱得咁桥,楼上个男人啱好经过,连个天都帮我!我得戚咁抬起下巴指向烧烤档出边:“唔使睇相了,直接睇真人啦!”

阿Ben佢地顺住我嘅目光望出去,当场变咗表情,“係真唔係啊屌,咁Q索,你个死仔咁好彩?人地睇上你边忽啊?”

“唔信?”我飘飘然,“我叫佢过来!”

啱讲完我就后悔了,但我马上安慰自己,班友个个都唔识讲西语,而楼上个男人应该唔识白话,我地平时打招呼都係用西语,如果佢识白话,同我交流肯定会首选白话。

我大胆走过去,叫住楼上个男人,用西语讲:“你可唔可以帮帮我手,我班friend对你好好奇,想同你打个招呼。”

住喺楼上嘅男人闻言,转过身,面无表情咁望住我,对绿色眼睛靓到不得了,但係一丝温度都冇。我嘅心狂跳一下,竟然有啲想打冷震。

就喺我想将番话收翻个阵,楼上嘅男人回答:“哦。”

太好了!好到极!

我忍住惊喜,将佢带到班死仔面前,隆重介绍:“呢位係James,你地可以叫佢阿詹。”

果然,班友即刻七嘴八舌讲埋晒啲无厘头鸠嘅嘢,我有啲紧张咁望咗楼上个男人一眼,佢依然面容冰冷,估计真係听唔明。我松咗啖气,向班朋友解释:“阿詹唔识白话,你地讲到天光都冇用,佢听唔明。”

“咁英文呢?”B仔问完,用英文同楼上嘅男人讲咗几句。

係嚄,英文!我再度紧张,好彩,楼上嘅男人一句声都冇出,似乎亦都听唔明英文。

真係太好彩了!

B仔个样十分失望:“白话又唔识,英文又唔识,我怀疑佢係因为同你语言交流冇障碍所以先正对你有好感。”

“算罢啦你,妒忌我有个咁索嘅男朋友就认啦。”

“真係几索,”阿Dick装作若无其事咁问,“佢床上功夫点啊?”

“係啰,”B仔趁人听唔明,大胆咁当面讲埋晒啲衰嘢,“佢咁靓仔,又咁主动,係係畀好多人屌过,跟住松晒?”

我啤住B仔:“唔係啵,佢紧到不得了,又够晒敏感,插入去郁冇两下就爽到反白眼,夹到我鬼咁舒服。”

“超……”B仔吞咗啖口水,但把口继续死撑。我冇理佢,细细声同楼上嘅男人用西语讲:“多谢晒你,要唔要一齐食宵夜?”

男人冇答话,从我地台面拿咗几串鸡翼,走开了。

-

经过呢件事之后,我心情好到爆棚,不知不觉饮多咗几杯,出烧烤档嘅时候成个人都晕头转向,好唔容易捱到屋企门口,点知条锁匙怼咗半日都怼唔入个窿。

“扑街,快啲入去……”我一边闹,一边弯低腰试图瞄准啲,突然间有把声喺后边响起:“我听得明白话,亦听得明英文。”

“边个啊?”我拧转身,一张漂亮嘅面容出现喺面前,係楼上个男人。“係你啊,原来你识讲白话同英文啊,我仲以为你净识西语添。”我笑起身,顺口接咗句,然后继续怼条锁匙。过咗几秒钟,我猛然反应过来——咩话?佢识白话?!

我霎时间吽喺度,似乎嘢都唔识讲了,“你你,你你你……?”

佢岌头,面色阴沉:“你啱先讲得好爽係唔係。”

真係几爽嘅……我急急脚否认:“唔係,唔係。”

“哦,”佢眼定定望住我,“你点解要讲我係你男朋友。”

“我……我唔係特登……”

佢打断我:“你钟意我?”

“哈?呃,呃……有小小钟意?你生得咁好睇,係人都钟意。”

“係咩?”佢皱起眉头,睇落好唔开心,“你讲大话,唔係每个人都钟意我。”

我成个背脊都係冷汗,人亦清醒咗唔少:“边个咁冇眼光啊,哈哈……”

“唔关你事。”佢好恶咁掘咗我一眼,停咗停,讲,“过两日会有个男人过来揾我,我要你喺佢面前扮我男朋友。”

我睁大对眼:“哈?点解啊?”

男人语气平淡:“我同佢一夜情,有咗佢嘅BB,我唔想佢知。”

“哦,理解理解……唔係嚄,等、等阵,你讲咩话,BB?你係女人?!”

“我係男人,但我有咗BB,有咩出奇。”

我㩧咗一嘢自己个头:“我係係发紧梦?”

佢伸出左手,摙住我手腕:“你觉得呢?”

“哈?……哇屌!好撚痛!放手!”此情此境我完全清醒了,楼上嘅男人睇落面色如常,但佢揸住我手腕嘅力度大到令我觉得畀咩机器夹住,当佢松开手时,我只手已经完全红晒,冷汗从额角往下流。我感觉如果佢再用力小小,我嘅手腕就要碎了。

“知道唔係发梦了吧。”

我吓到面青口唇白,喇喇林岌头:“你,你究竟係咩人……”

“好人。我帮咗你忙,你帮翻我,天经地义。”佢冷冷望住我,“帮唔帮?”

“帮,帮……”我思绪陀螺咁转,望向佢个肚——真係有小小凸出来,唔认真睇都唔觉。我自言自语:“科技发展得真係快,连男人都可以生仔了……”

一只银光闪闪嘅手夹生出现喺我眼前,楼上嘅男人平静咁讲:“你最好唔好有太多疑问,扮演好你嘅角色,唔係嘅话,呢只手下次摙嘅就係你条颈。”

我成个人呆晒,面前大住肚嘅凶恶而美丽嘅男人,第一次将佢嘅手套除低,一直收喺手套底下嘅,竟然係一条金属义肢。


TBC

评论(124)
热度(207)